news183

王菀之新聞[183]


2015年11月11日 on.cc

男友韓國求婚成功 王菀之冧爆宣布婚訊

【on.cc東網專訊】 藝人王菀之(Ivana)與設計師男友Eric So感情穩定仲好sweet,早前兩人一齊出席活動時一提到有關結婚話題Ivana即刻面都紅晒,Eric亦直言:「佢應承先講啦!冇乜plan唔planning,感覺到就係!」不過今日Ivana喺社交微博sweet爆上載咗三張相,其中一張係二人嘅拖手照,另外兩張就係兩人嘅合照,之後Ivana仲冧爆留言:「遇上你 太感恩,不遲亦不早,感謝天父,感謝父母,感謝所有好兄弟姊妹,感謝大家,也祝福天下有情人終成眷屬,白頭偕老。攞個彩先 – “Eric So, you’re SO LUCKY!" @EricSo蘇勳」

記者就此事致電Ivana,她冧爆回應:「當時二人單身,經好朋友介紹,因同樣熱愛藝術而走在一起,2013年中開始拍拖,2015年四月於Eric So在韓國自己的藝術展覧時求婚,二人同樣愛藝術,從事藝術,愛旅遊,價值觀相約,所以很適合對方。」娛圈又多個人妻,真係恭喜恭喜!

問到求婚過程?她表示:「今年4月19號係金像獎頒獎禮,18號就同Eric喺韓國忙緊佢喺首爾嘅展覽,但我因為要出席19號頒獎禮,所以18號就必須自己返香港先,佢送我搭車去機場途中佢同我求婚。」Ivana直言當時收到戒指很不知所措:「佢要留喺韓國我要返香港,心情好激動都唔知點算,佢個諗法係話唔知我19號有冇獎,不過佢好想率先頒個《最佳女主人》獎畀我!」

圖:王菀之喺社交網站宣布婚訊,又上載與Eric So三張甜蜜相。

圖:兩人拍拖以來感情穩定。

圖:王菀之同男友價值觀相若,真係好襯。

圖:拍拖兩年就結婚,都算快喇!


2015年11月11日 明報(即時新聞)

王菀之facebook曬甜蜜合照宣布嫁Eric So

王菀之今早11時多於facebook上載與男友Eric So的合照與拖手照,並以她的歌曲《好時辰》歌詞留言:「遇上你 太感恩 不遲亦不早」宣布結婚,她之後亦留言寫道:「也祝福天下有情人終成眷屬,白頭偕老。 攞個彩先,Eric So,you’re SO LUCKY(你真幸運)!」

不少網民留言恭喜王菀之,並叫Eric So好好照顧她,他們寫道:「之之,恭喜您呀!Eric,您要好好照顧之之呀!」、「恭喜Ivana找到對的人,Mr Right!幸福滿瀉」。

圖:王菀之宣布嫁Eric So 賈曉晨樊少皇排期註冊

圖:王菀之(左圖左)今早11時多於facebook上載與男友Eric So(左圖右)的合照,宣布結婚。(facebook圖片)

圖:王菀之在facebook上載與男友Eric So的甜蜜拖手照。(facebook圖片)

圖:王菀之(右)表示,男友Eric So在4月的金像獎前夕已求婚,因為他想率先頒「最佳女主人」獎項給王菀之。(資料圖片)


2015年11月11日 明報(即時新聞)

王菀之爆男友金像獎前夕求婚 先頒「最佳女主人」

王菀之今早11時多宣布與男友Eric So結婚,她其後回應記者查詢時透露,Eric於今年金像獎頒獎禮前夕,即4月18日在韓國跟她求婚,她說:「我因4月19日要出席金像獎頒獎禮,必須自己先行回港,他就在送我去機場途中向我求婚。我收到戒指時有點不知所措,我要回港,但他要留在韓國,心情很激動……他很sweet,他的想法是不知我在19日的金像獎有沒有獎項,但他想率先頒一個『最佳女主人』獎項給我,這就是他的求婚過程。」

王菀之最後在《第34屆香港電影金像獎頒獎典禮》連奪「最佳女配角」及「最佳新演員」獎項,她在發表感言時亦曾以《好時辰》的歌詞「遇上你 太感恩 不遲也不早」多謝大家支持,與她今早在facebook宣布婚訊的留言一樣,原來當日她是連中三元!


2015年11月11日 頭條網

王菀之光棍節宣布與Eric So結婚

樂壇才女王菀之(Ivana)自去年1月,被傳媒拍攝到與figure設計師Eric So拍拖後,兩人自此公開關係,感情亦非常穩定。Ivana今日突然於facebook公布疑似結婚消息,令一眾粉絲大為驚喜。

現年36歲的Ivana與45歲的Eric So,於2013年年底被傳出緋聞,更有指Ivana是「搶人男友」,其後於翌年1月被拍到二人外出。據知二人一直視彼此為結婚對象,Ivana今日就終於宣布有關消息:「『遇上你 太感恩 不遲亦不早』 感謝天父 感謝父母 感謝所有好兄弟姊妹 感謝大家 也祝福天下有情人終成眷屬,白頭偕老,Eric So, you’re SO LUCKY.」

原來Eric與Ivana今年4月曾到首爾籌備Eric的個人作品展,但礙於19日就是舉行金像獎頒獎典禮的大日子,Ivana必須在前一日回港準備,於是Eric就在送女朋友到機場的途中求婚。其後兩人於上月到婚姻登記署排期註冊,再選擇今日「光棍節」宣布脫離單身。

圖:王菀之與Eric So甜蜜合照。


2015年11月11日 on.cc

盧巧音大讚舊愛Eric So同王菀之好襯

【on.cc東網專訊】 歌手盧巧音(Candy)2008年和拍拖兩年、王菀之設計師男友Eric So分手,Candy接受《東網》電話訪問時,對於舊愛和王菀之承認註冊結婚並傳於本月28號舉行婚禮,她說:「我都係上網睇新聞先知,恭喜佢(Eric)終於成家立室,祝福佢哋兩個,佢哋兩個好襯,佢哋都拍咗拖咁耐啦。(拍咗兩年。)感情好都算耐㗎啦。(Eric係咪好老公?)唔知,no comment。」

問Candy事前可有聽聞舊愛婚訊?她說:「冇收到風喎,我都好少出嚟(公開活動),佢又忙,我又忙,我哋(分手後)冇見過。」可會望兩人早生貴子?Candy覺得生BB要順其自然,她自己就不打算生bb,因為現時工作為重。

圖:盧巧音祝福舊愛Eric So終於結婚,仲大讚佢同王菀之好襯!

圖:對於Eric係咪好老公,Candy就「no comment」!

圖:Candy 2013年就同樂隊Kolor主音Sammy結婚。


2015年11月11日 on.cc

軒仔宣布「昏訊」 修身做王菀之伴娘(節錄)

張敬軒出席古巨基的婚宴時接受訪問….

KEEP FIT做姊妹

提到好友王菀之(Ivana)爆婚訊,有指在本月28日與男友Eric So拉埋天窗,軒仔笑言也要公布「婚訊」:「搞到我都想宣布『昏訊』,昏迷個昏。(事前已知?)係知嘅,總之我替佢開心啦,一早戥咗佢開心。」問到屆時會做姊妹還是伴娘?軒仔繼續放笑彈:「可能做姊妹又做伴娘 ,但點都要KEEP咗FIT先,怕到時着唔落條褲。」

笑王菀之「圓」美

對於Eric So早在四月在韓國向Ivana求婚,問Ivana是否第一時間通知他?軒仔說:「又唔係,都係傾開偈講起。(祝佢快啲生B?)我覺得佢兩個都鍾意小朋友,生多幾個啦。」他不忘取笑Ivana的「圓」美身形:「我目測佢『圓周』可以生隊籃球隊出嚟,到時驚佢生到腳軟。」問到是否已留定本月28號出席婚宴?軒仔扮傻稱:「28咩?係咩?我唔知喎,我唔太清楚,總之今個月特別多人生日、結婚,真係要走多幾場騷先得啦。」


2015年11月11日 on.cc

王菀之婚訊 軒仔笑言叫Eric So養埋自己

【on.cc東網專訊】 歌手王菀之(Ivana)今日喺微博宣布婚訊,唔少網民都話要Ivana嘅前緋聞男友兼老死張敬軒做伴娘,咁到底軒仔有乜表示呢?有喇有喇!啱啱軒仔就喺instagram上載咗一張Ivana同男友Eric So嘅合照,除咗用最愛嚟形容Ivana之外,仲話:「好嘢,Eric So養埋我唔該!」「我的最愛找到了她的最愛,所以我又多了一位最愛,衷心祝福這幸福滿瀉的一對藝術家!買肥送瘦,我係胖虎個frd胖娘!」雖然呢段祝福搞笑咗少少,不過都feel到軒仔對Ivana滿滿嘅愛嘅!


2015年11月11日 明報(即時新聞)

張敬軒賀王菀之找到「最愛」 叫Eric So「養埋我唔該」

王菀之今早宣布與男友Eric So結婚,曾跟王菀之傳緋聞的張敬軒下午在Instagram上載王菀之與Eric So的合照,留言:「我的最愛找到了她的最愛,所以我又多了一位最愛,衷心祝福這幸福滿瀉的一對藝術家!」張敬軒之後又在標籤(hashtag)中寫上「ericso養埋我唔該」、「買肥送瘦」、「我係胖虎個frd(friend)」、「胖娘」等字句,十分搞笑。

不少網民留言叫張敬軒當王菀之的伴娘,寫道:「增肥做伴娘啦你,馬騮軒」、「伴娘仲唔係你?」

王菀之與張敬軒多年來合作無間,曾在同一間唱片公司工作,又差不多時間出道,感情十分要好,王菀之更曾被傳是張敬軒的女友,直至近年關智斌是張敬軒的「正印密友」地位逐漸明朗化,加上王菀之公開真正男友另有其人,二人關係才明朗化。


2015年11月11日 明報(即時新聞)

【王菀之結婚】張敬軒笑稱Keep Fit做伴娘

張敬軒今晚出席古巨基Lorraine婚宴,對於好友王菀之今日宣布與男友Eric So結婚,張敬軒笑說:「真好,搞到我都想宣布『昏』訊!我事前已知道,早已替她開心。(做姊妹?)姊妹或伴娘,所以現在要keep fit,以免穿不下褲子。他們也喜歡小朋友,一定會生,以我目測王小姐的圓周,應該是足球隊……還是說籃球隊好了,生到腳軟!」


2015年11月11日 蘋果日報(即時新聞)

【基仔擺酒】沈月大個女晒腿 軒仔叫Ivana生隊籃球隊 (節錄)

古巨基同助手陳英雪(Lorraine)今日喺四季補擺喜酒,好多圈中人都畀面到賀。

張敬軒接受訪問,問到王菀之都宣佈結婚,佢笑言:「搞到我都想宣佈『昏』訊。」

問佢知唔知Ivana結婚,佢話:「一早就知,都戥佢開心。」你做兄弟定姊妹?佢話:「姊妹或者伴娘,塞啲嘢喺上面。」係咪4月求婚 o架?軒仔話:「佢冇刻意講,不過大家傾密計聽佢講起。」Ivana打算生B?佢話:「最好生啦,生多幾個,目測王小姐個圓周都可以生隊足球隊,都係唔好啦,籃球隊啦,生到佢腳軟。」請定假準備去婚禮?佢話:「唔知喎,我都唔係好記得個日子。」


2015年11月11日 蘋果日報(即時新聞)

君如恭喜Ivana搵到好男人 軒仔暗示反串做姊妹

吳君如、張敬軒、古天樂及周慧敏等,今日出席古巨基同Lorraine婚宴,君如離開酒店時,講到王菀之(Ivana)同Eric So結婚,曾與Ivana合作《金雞SSS》嘅君如表示:「戥佢開心,佢搵到另一半咁愛佢,Ivana同我講,話個男仔喺金像獎前一日向佢求婚,因為怕自己攞唔到獎,我就同Ivana講,呢個男人真係好愛你,怕你攞唔到獎,但佢用下半生嚟 o氹你開心,搵到一個好男人。」

君如仲問Ivana婚後拍戲有冇底線?君如再話:「Ivana笑言要睇下係邊條線,就算結咗婚都會繼續拍戲。」咁係咪11月28日去婚禮?君如話:「哎呀,我唔知呀,(攞假去婚禮?)唔知呀,佢都未邀請我,但點都係高興。」

至於張敬軒出席雜誌周年慶典時表示,今日雙喜臨門,基仔結婚之餘王菀之爆婚訊,軒仔話:「知道Ivana有結婚意向,好開心!搞到我都想立刻宣布『婚訊』,昏迷個昏,好高興一直睇住Ivana情海翻波到找到對的人,Eric係冇得頂嘅人,好人又體貼,Ivana會好幸福。」

至於擺酒日軒仔表示未確定,因為兩邊都大家族,仲默認會反串做姊妹,笑言:「我要keep定fit,我一定係Ivana嗰邊啲人。」


2015年11月11日 on.cc

君如爆古太感動狂喊:怕妝花背住我哋(節錄)

戥菀之開心「另一半好愛佢」

講到王菀之宣布婚訊?君如表示:「好高興,佢另一半好愛佢,佢話我聽金像獎前一晚佢男友求婚,怕佢攞唔到獎,佢攞自己嘅下半生去氹佢,聽到呢吓,就覺得菀之搵到個好男人好愛佢。」君如又謂有問菀之婚後拍戲可有設底線,而菀之答她「睇吓邊條線啦!戲緊係會繼續拍。」問到君如今個月28日是否菀之的婚期?君如笑言:「我唔知喎,佢都未請我,點都好,好高興啦!」


2015年11月11日 on.cc

王菀之拍戲冧滋滋 方力申睇得出好事近

【on.cc東網專訊】 對於王菀之(Ivana)跟男友Eric So拉埋天窗,方力申即刻送上祝福:「其實我係最近因為拍攝電影先同Ivana認識,但我哋成為咗朋友,她係一個十分好嘅女仔,結婚嘅事我之前係唔知道,但我哋休息時都會傾偈,亦都傾過愛情,可能因為Eric係藝術家而我都熱愛藝術同喜歡收藏藝術品,所以特別多話題,見到佢非常甜蜜嘅樣都估到好事近。我祝福佢哋,睇好呢一對,佢哋一定永遠幸福快樂!」


2015年11月11日 on.cc

王菀之宣布婚訊 馮翰銘:終可擺脫魔咒

【on.cc東網專訊】 王菀之好友兼緋聞男友、音樂人馮翰銘(Alex Fung)接受《東網》訪問時,對於王菀之宣布婚訊,他表示:「好開心,恭喜菀之,終於可以擺脫35歲前,未結婚就要下嫁張敬軒嘅魔咒,祝佢哋連生貴子。」


2015年11月11日 明報(即時新聞)

【王菀之結婚】楊千嬅送祝福「白頭到老 早生貴子」

王菀之(Ivana)今早宣布與男友Eric So結婚,與王菀之同公司的楊千嬅得知喜訊後向Ivana送上祝賀,楊千嬅說:「見到Ivana結婚的新聞,為她感到很開心!祝她和Eric白頭到老、永結同心、早生貴子,恭喜!」

另外,楊千嬅亦有在Instagram上載王菀之與Eric So的合照,留言:「I’m so happy for you,congratulations(我為你感到很高興,恭喜)」。


2015年11月11日 on.cc

楊千嬅祝賀王菀之:早生貴子!

【on.cc東網專訊】 對於好友王菀之(Ivana)和男友Eric So拉埋天窗,天后楊千嬅亦戥兩人十分開心,並送上祝福:「今日見到Ivana結婚嘅新聞,好開心,戥佢好開心、好開心、好開心,祝佢同Eric白頭到老、永結同心、早生貴子!恭喜晒!」

圖:千嬅(右)為好友王菀之送上祝福。


2015年11月11日 頭條網

祖兒望菀之早生懞豬眼BB(節錄)

容祖兒專誠由北京趕返港出席古巨基婚宴,提到王菀之宣布婚訊,祖兒表示公布前已知道,笑指王菀之一直恨嫁,整個勢都不能等得太久,覓得如意郎君很替她開心,希望盡快見到她生懞豬眼BB。

攝影:朱偉彥、張家宜


2015年11月11日 on.cc

古巨基變古Delay?容祖兒捐五位數人情(節錄)

歌手古巨基與太太Lorraine補擺喜酒,好友容祖兒(Joey)專程從北京趕回香港到賀。對於另一好友王菀之(Ivana)爆婚訊,她表示在社交網站得知婚事,心情開心激動,並在Instagram祝福他們。問之前有否聽過對方「好事近」?祖兒大爆好友恨嫁:「聽到佢係好恨嫁,成個勢似想嫁,佢哋好合拍,搵到好啱佢嘅如意郎君,佢哋價值觀相近,又鍾意藝術,好合拍,互相扶持,替佢哋開心。」


2015年11月11日 on.cc

幾時娶千語BB? 林峯:我仲有啲時間成家立室(節錄)

林峯、張敬軒、林嘉欣同林德信等,今晚去咗中環出席周刊週年誌慶活動。

下星期嘉欣會和張敬軒和王菀之合作舞台劇,嘉欣話:「今日聽到王菀之婚訊,戥佢開心,等下星期見到佢親自恭喜佢。」


2015年11月11日 蘋果日報(即時新聞)

【基仔擺酒】祖兒指基仔不缺錢 聞Ivana結婚好激動(節錄)

繼續係古巨基同Lorraine喺四季補擺喜酒,今晚基仔擺酒可謂星光熠熠。

講到王菀之結婚,佢(容祖兒)話:「係呀,我知呀,我聽到消息好激動,喺Instagram祝福咗佢。」咁有冇聽過佢話結婚?祖兒笑言:「成日聽佢講恨嫁,睇佢個勢唔等得嗰啲,搵到如意郎君好戥佢高興,佢哋價值觀一樣,兩個又鍾意藝術品,互相扶持好好,戥佢哋開心,希望佢哋生BB,恨見到佢哋係矇豬眼BB」


2015年11月11日 on.cc

王菀之宣布婚訊 網民戥張敬軒心碎

【on.cc東網專訊】 「進擊之Ivana」結婚喇!歌手王菀之(Ivana)早前被爆去年中主動出擊溝掂「Figure王」Eric So(蘇卓航),二人撻着不久後,「進擊之Ivana」更成功攻佔男友愛巢共賦同居。關係公開後,一對小情人愈愛愈高調,提起結婚,Ivana就冧爆甜笑,仲揚言:「喺我心目中冇人出色過佢!」不過網民就話:「吓…咁張敬軒點算呀?」

軒仔菀之被公認一對

36歲嘅Ivana今日喺網上發表愛的宣言,宣布自己嫁得出,脫離剩女行列。不過,喺大家祝福佢嘅同時,有網民就話:「吓,我仲以為佢男朋友係張敬軒喎!唔通娛樂圈又要多對「洪永城和黃翠如」?

軒仔大方送祝福

話說Ivana同軒仔曾經因為太老友,又成日出雙入對,就正正好似洪永城同黃翠如呢一對咁,又好難怪大家覺得佢哋先係一對嘅!之不過,其實軒仔已經大方公開祝福最愛嘅Ivana搵到佢嘅最愛,仲話自己要做「胖娘」添!人哋嘅純友誼純過蒸餾水呀,大家就唔好再FF諗咁多喇!

菀之未婚夫情史多籮籮

而相比起Ivana,佢嘅未婚夫Eric So雖然唔算係圈中人,不過啲緋聞分分鐘多過啲圈中人喎,有女星殺手之稱嘅Eric,先後同過盧巧音、蒙嘉慧同杜如風拍拖,情史比Ivana更精彩,網民都提醒Ivana要睇實啲呀!網民仲好有興致咁總結娛圈內邊幾對大家覺得好襯,但係最後要分開,或者根本開始唔到嘅組合,分別有「鐵膽」洪永城、黃翠如;胡杏兒、黃宗澤;鄭嘉穎、周麗淇;仲有陳奕迅、楊千嬅!

網民有話兒:

張景XX莉:一定要做姊妹啦軒仔!

伊XX度:張敬軒做伴娘!

ikeaXX:Eric So先後同過盧巧音、蒙嘉慧、杜如風拍拖,易彎那(Ivana)要小心睇實喎!

吳X望:你與他會攜手衷心慶祝我,如若你是好朋友,就吻我……

營多XX飯:乜佢男朋友唔係張敬軒咩?


2015年11月12日 東方新地 936期

八姨太手記:微博晒婚訊 王菀之等做人妻

今年36歲嘅王菀之(Ivana)本周三(11月11日)忽然公布同47歲「Figure王」男友Eric So(蘇卓航)「終成眷屬」,仲引用自己首〈好時辰〉嘅歌詞「遇上你 太感恩 不遲亦不早」大晒幸福,兩人自2013年中經朋友介紹開始拍拖,今年4月Eric So喺韓國開藝術展覽時向Ivana求婚,Ivana指兩人同樣愛藝術、愛旅遊,價值觀相若,所以好適合對方,據知二人上個月已經去咗婚姻登記處排期註冊,恭喜晒!

圖:Ivana同Eric So拍拖兩年幾,如今拉埋天窗,Ivana大晒兩人十指緊扣嘅手拖手照,甜到漏。

圖:Ivana原來上個月已經同Eric So去咗排期註冊,直到今日公開,Ivana笑贈未來老公:「you’re SO LUCKY.」

圖:Ivana今年4月獲Eric So求婚,早前本刊就影到佢無名指戴住隻閃爆巨型鑽戒,相信係求婚戒指。

圖:王菀之光棍節宣布與Eric So結婚,今一眾粉絲大為驚喜。


2015年11月12日 晴報

光棍節宣布婚訊 粉絲召喚王菀之搵軒仔陪嫁

王菀之(Ivana)與「Figure王」Eric So(蘇卓航)昨晨驚爆上月已入紙註冊結婚,女方其後坦言Eric早在今年四月香港電影金像獎前夕,已在韓國求婚成功。現年36歲的Ivana出嫁贏盡網友祝福,閨中密友張敬軒(軒仔)更在ig抵死地叫Eric「養埋我」。有口痕友建議Ivana搵軒仔做伴娘;有人卻質疑她在光棍節報喜曬幸福,各位男粉絲又是否想唱番首《我真的受傷了》?

昨日是光棍節,有雜誌爆出2013年中開始拍拖的Ivana與Eric So決定告別單身,上月尾已入紙註冊結婚,並於本月28日擺酒。準蘇太Ivana昨午在微博發圖文承認婚訊:「遇上你太感恩,不遲亦不早,感謝天父、感謝父母、感謝所有好兄弟姊妹、感謝大家,也祝福天下有情人終成眷屬、白頭偕老。攞個彩先"Eric So, you’re SO LUCKY!"」另一邊廂,Eric於下午4時多也在ig上載其設計的公仔擁着黑超B的照片,並留言:「Thank you!」趁機感謝各界人士送上的祝福。

Eric首爾送機求婚

Ivana昨晨回應時自爆,在四月出席電影金像獎前夕陪伴Eric在首爾工作,對方卻失驚無神求婚,她甜蜜回應:「4月19號我要出席頒獎禮,18號他送我到機場途中求婚,當時收到戒指都唔知點算。」結果Ivana在金像獎連奪女配角及新人獎,可謂喜上加喜。

至於Ivana的閨中密友軒仔,昨午在ig的留言盡見心思:「我的最愛找到了她的最愛,所以我又多了一位最愛,衷心祝福這幸福滿瀉的一對藝術家!」他又大玩爛gag,自嘲是胖虎個friend胖娘,又叫Eric「養埋我唔該」及「買肥送瘦」,玩盡兩位準新人。此外,不少圈中人如楊千嬅、方力申等亦送上祝福。

有網友對Ivana忽然出嫁感難以置信,還誤以為其男友是張敬軒。有口痕友更高呼軒仔在老友結婚當日可做伴娘;另一方面,有人卻質疑Ivana選擇在光棍節發布婚訊,未知用意何在。事實上,二人沐浴愛河兩年,一個是歌影視三棲藝人,一個是Figure設計師,同樣從事藝術行業,亦愛吃喝玩樂,二人經常被網民「野生捕獲」,十分sweet。此外,Ivana對才華洋溢的Eric早已芳心暗許,今年九月以情侶檔現身活動,男方已表明會暗暗地求婚。昨日驚爆婚訊,Eric果然一諾千金。

達人醒你 自行公布 澄清不實

資深傳媒人查小欣:「Ivana喺周刊爆出婚訊當日,在網上宣布結婚,其中一個可能係收到風周刊爆料,為免其他傳媒誤會佢放獨家,不如自己公布,又可以澄清報道中不實嘅地方。其實呢一代藝人唔少都30幾歲,到咗適婚年齡,預計將會有唔少人結婚兼努力造人,可能會令本地娛樂圈工作生產力下降,所以我比較關注有冇新人可以接到班。」

有嘢講

葉建榮:好有夫妻相!余魚小小姐:我真的受傷了。

許伯堤:記得叫張敬軒做伴娘啊!

Phoenix Chan:光棍節先嚟公布,用意何在?

Grace Tsang:點解新郎不是張敬軒?

撰文:Steven、Iris

協力:Jenni

編輯:黃寶恩、陳禮恒

插圖:何樂

設計:鄧俊明

圖:Ivana坦言與Eric So價值觀相若,大家都很適合對方。


2015年11月12日 成報

王菀之 Eric So公布婚訊 「光棍節」告別單身

今年「光棍節」娛樂圈可謂喜事重重,先有古巨基補擺喜宴,後有王菀之(Ivana)、賈曉晨(JJ)相繼公布婚訊,大放閃光彈!Ivana與男友蘇卓航(Eric So)拍拖兩年,昨日透過社交網站並引用自己的歌曲《好時辰》歌詞留言:「『遇上你 太感恩 不遲亦不早』 感謝天父 感謝父母 感謝所有好兄弟姊妹 感謝大家 也祝福天下有情人終成眷屬,白頭偕老,攞個彩先 – Eric So, you’re SO LUCKY.」

原來Eric So早在今年4月金像獎頒獎禮前一天已經在韓國求婚,Ivana表示4月19日為金像獎頒獎禮,前一天自己和男友仍在首爾忙於對方的展覽,在回香港去機場的途中,男友就拿出戒指求婚:「當時心情好激動不知點算,他的諗法是不知我金像獎有沒有獎,但就好想率先頒個最佳女主人獎給我!」Ivana回應婚訊時則透露當時二人單身,經好朋友介紹,2013年中開始拍拖,二人同樣愛藝術及從事藝術,亦愛旅遊,價值觀相約,所以很適合對方。據知兩人上個月已經往婚姻登記處排期註冊,預計會低調進行婚事。身為Ivana好友的張敬軒則於網上恭賀對方:「我的最愛找到了她的最愛,所以我又多了一位最愛,衷心祝福這幸福滿瀉的一對藝術家!」更鬼馬表示要Ericso連自己也養,買肥送瘦。軒仔昨晚於活動上受訪時還表示一早知道他們兩人有結婚意向,講到他與Ivana過去曾傳出緋聞,現在對方結婚會否覺得酸溜溜?軒仔則抵死笑言自己都想公布「婚訊」,不過是昏迷個「昏」,續言很替Ivana開心,因入行多年都見過她情海翻波:「現在找到對她好的人,這個男人好好、無得頂,體貼外又有共同話題,她一定會幸福的!」

至於身為Ivana良師益友的君如亦在活動上笑言:「早就知道她要結婚, 她另一半是在金像獎前向她求婚,好替她開心,對方這麼愛她,會在她出席頒獎禮前一日用下半生來送給她,真是一個好男人!我有問她以後是否還會拍戲?拍戲有何底線?她只笑答要看哪條線了!」

<採訪> 娛樂部

圖:王菀之與未婚夫蘇卓航分享浪漫合照,公布婚訊。


2015年11月12日 頭條日報 (港聞)

「1111」好日子 345對新人諧連理(節錄)

昨天是十一月十一日,四條一,有兩個一心一意的意思,亦是內地「光棍節」,不少男女選擇這天「拉埋天窗」,寓意從此一條心。入境處統計,昨天總計有三百四十五對新人申請結婚,相比去年登記結婚數字增逾倍。有婚禮顧問指,不少新人選擇在雙十一不再做光棍,加上昨天是結婚好日,結婚人數比平日大增。

藝人JJ 王菀之報喜

昨天名人圈傳出不少喜訊,台灣藝人「仔仔」周渝民在光棍節前夕宣佈結婚,台藝人藍正龍亦在昨天擺酒。港藝人賈曉晨(JJ)昨在微博發婚照,宣佈與男友樊少皇入紙註冊。歌手王菀之亦在社交網站發佈與男友Eric So的合照與拖手照,宣佈告別單身。

圖:歌手王菀之亦在社交網站發佈與男友Eric So的合照與拖手照,宣佈告別單身。


2015年11月12日 頭條日報 (娛樂)

光棍節報喜 JJ樊少皇:結婚了 王菀之宣佈下嫁Eric So

王菀之(Ivana)於昨日「光棍節」甜蜜宣佈下嫁男友Eric So,她冧爆表示男友在金像獎前夕求婚,封她為專屬的「最佳女主人」!

36歲王菀之(Ivana)昨日宣佈與拍拖兩年、有「Figure王」之稱的Eric So(蘇卓航)拉埋天窗,她在微博貼上跟男友的甜蜜合照,以自己的《好時辰》歌詞晒幸福道:「遇上你,太感恩,不遲亦不早。」Ivana冧爆透露男友在今年4月的金像獎前夕求婚,當時他們正在韓國籌備男方的展覽,Ivana在趕回香港出席典禮途中獲求婚,她說:「佢(Eric)個想法係,唔知我頒獎禮有冇獎,率先頒個最佳女主人獎畀我。」有傳兩人將於本月28日低調簽紙,只想雙方家人食飯。

Ivana的喜訊傳出後獲眾圈中好友恭賀,其多年緋聞閨密張敬軒於網上笑言叫Eric養埋自己,他於昨晚出席古巨基婚宴時坦言早已知情但避談婚期,笑謂女方能生到一隊籃球隊或足球隊。

容祖兒爆Ivana一直恨嫁,很替兩人開心;吳君如亦有送上祝福,直言未知婚禮舉行日期。另外,賈曉晨(JJ)與樊少皇昨日亦在微博宣佈婚訊,男方寫道:「結婚了!請祝福我們吧!」

本報記者

圖:軒仔與Ivana甚老友。 資料圖片

圖:Ivana自爆在金像獎前夕獲男友求婚。 資料圖片


2015年11月12日 星島日報

王菀之嫁Eric So宣布「脫光」(節錄)

(星島日報報道)王菀之(Ivana)、賈曉晨趁「光棍節」齊齊「脫光」!昨日Ivana在微博宣布下嫁拍拖兩年的「Figure王」Eric So,有指二人於上月登記申請註冊,本月28日低調簽紙,Ivana透露男友早在4月金像獎頒獎禮前夕在韓國求婚,率先頒「最佳女主人」獎給她。

昨日Ivana宣布「脫光」,並以自己的《好時辰》歌詞晒幸福:「遇上你,太感恩,不遲亦不早……攞個彩先─Eric So, you’re SO LUCKY。」其後又冧爆講述求婚過程:「今年金像獎前夕(4月18日),我跟佢韓國忙緊佢嘅展覽,但我要返港出席頒獎禮,佢送我去機場途中,向我求婚。佢個想法係,唔知我頒獎禮有無獎,佢就率先頒個最佳女主人獎畀我。」有指二人將於本月28日低調簽紙,只想雙方家人食飯。

眾好友聞言紛紛恭賀,緋聞閨密張敬軒昨出席古巨基婚宴時,坦言一早知道,自己也想傳「昏」訊,準備做姊妹團,甚至伴娘,但避談婚期是否本月28日。會否催她早生貴子?軒仔笑說:「目測Ivana的圓周,最少生到一隊籃球隊或足球隊!」軒仔更在社交網留言,搞笑說「買肥送瘦」,叫Eric也養埋他。

跟Ivana同期出道,兼一同拍過《老表,你好嘢!》的張繼聰:「有傳短訊畀佢,大家咁多年朋友,好戥佢開心。」容祖兒亦恭喜二人:「四隻矇豬眼好襯,唔請都要嚟呀。」楊千嬅祝二人白頭到老,永結同心,早生貴子。

近日和Ivana合演新片而成為好友的方力申,表示之前不知她要結婚,只見她好甜蜜似好事近。薛凱琪得悉好友婚訊,表示是本年度最開心消息。謝安琪亦恭喜「肥波兔」。吳雨霏則恭喜Ivana加入人妻行列。

至於Eric的前度杜如風,昨在微博大晒與一眾朋友在蘇梅,有疑似蜜月套房照,但對舊愛婚訊則未有任何表示。

圖:Ivana昨日光棍節,在微博宣布下嫁拍拖兩年的「Figure王」Eric So,宣布「脫光」。


2015年11月12日 文匯報

Eric So韓國求婚 王菀之答應下嫁

香港文匯報訊(記者 植植、李慶全)昨日是1111光棍節,36歲的王菀之(Ivana)同男友「Figure王」蘇卓航(Eric)於微博放閃,公告脫離單身,並引用自己歌曲《好時辰》的歌詞寫道:「『遇上你 太感恩 不遲亦不早』 感謝天父 感謝父母 感謝所有好兄弟姊妹 感謝大家 也祝福天下有情人終成眷屬,白頭偕老,攞個彩先 – “Eric So, you’re SO LUCKY.」

二人拍拖兩年,Ivana接受訪問時甜蜜地表示,當時二人單身,經好朋友介紹,因同樣熱愛藝術而走在一起,2013年中開始拍拖,今年4月於Eric So在韓國自己的藝術展覽時求婚,因他們同樣愛藝術,從事藝術,愛旅遊,價值觀相約,所以很適合對方。

問到男方如何求婚?Ivana稱:「4月19日係金像獎頒獎禮,但4月18日我同Eric韓國首爾忙緊佢嘅展覽,所以18號我一定要返香港。就去機場中途,佢攞咗隻戒指同我求婚,當時心情好激動,因為佢要留係當地,我又要返香港。但Eric話雖然金獎像有冇獎都未知,但就好想率先頒一個最佳女主人獎畀我。」

至於同公司的楊千嬅則送上恭喜說話,千嬅表示:「今日見到Ivana結婚嘅新聞,好開心,戥佢好開心、好開心、好開心,祝佢同Eric白頭到老、永結同心、早生貴子!恭喜晒!」

軒仔戥菀之開心

張敬軒、吳君如與容祖兒昨日出席基仔婚禮時,亦有祝賀Ivana,君如說:「好替她開心,另一半這麼愛她,會在她出頒獎禮前一日用下半生來送給她,真是一個好男人。」君如笑言也有問Ivana婚後拍戲有何底線,Ivana笑答她要看哪條線了,但婚後仍會拍戲。提到Ivana婚期是否在12月28日?她則表示未收到邀請。

祖兒則笑指公佈前已知道,也知Ivana開心又激動,故很祝福她。祖兒又爆料說:「她恨生仔,希望生番個曚豬眼BB啦!」

軒仔之前曾與Ivana傳過緋聞,如今女方宣佈婚訊,他可會酸溜溜?他笑說:「自己都想公佈昏訊,係昏迷個昏,好戥Ivana開心,因入行多年都見過她情海翻波,如今搵到個啱嘅人,好錫佢嘅人,呢個男人無得頂,好好,好體貼,兩人有好多共同話題,所以Ivana會好幸福。」問到屆時他會做姊妹還是伴娘?軒仔搞笑說:「可能做姊妹又做伴娘 ,但要keep fit先。」


2015年11月12日 大公報

王菀之宣佈結婚(節錄)

【大公報訊】記者溫穎芝報道:娛樂圈最近喜事一單接一單,繼周渝民(仔仔)前天宣佈結婚後,昨日王菀之(Ivana)亦在微博宣佈與男友“Figure王”蘇卓航(Eric So)結婚,並引用自己歌曲《好時辰》的歌詞:“‘遇上你 太感恩 不遲亦不早’感謝天父 感謝父母 感謝所有好兄弟姊妹 感謝大家 也祝福天下有情人終成眷屬,白頭偕老 攞個彩先 – “Eric So, you’re SO LUCKY!"”

Ivana跟男友經朋友介紹下認識,因同樣熱愛藝術而走在一起。二人拍拖兩年,感情穩定。去年4月19日是金像獎頒獎禮,前一天Ivana身在韓國跟Eric籌備藝術展覽,但Ivana要返港出席頒獎禮,Eric在去機場的車程拿出戒指向Ivana求婚。兩人上月已在婚姻登記署排期註冊,職業同樣報稱是藝術家。而Ivana好友楊千嬅昨日得悉二人結婚的消息很開心,並衷心祝福他們白頭到老、永結同心、早生貴子。

圖:Ivana在網上發佈婚訊 /網上圖片


2015年11月12日 明報

36歲王菀之宣布嫁47歲Eric So 男友金像獎前夕求婚頒最佳女主人

【明報專訊】「1111」(11月11日)的光棍節喜訊浪接浪,王菀之(Ivana)、JJ(賈曉晨)先後報喜「脫光」(脫離單身)做人妻!加上去年在美國註冊結婚、昨日補擺喜酒的古巨基,喜事一齊來。36歲王菀之覓得有情郎做「蘇太」,昨日報喜嫁47歲「figure王」Eric So(蘇卓航)。兩人拍拖兩年,藝術家遇上藝術家成佳侶。

昨日王菀之(Ivana)在社交網站上載跟Eric So的sweet爆合照,引用自己的歌曲《好時辰》歌詞,寫道:「『遇上你 太感恩 不遲亦不早』感謝天父 感謝父母 感謝所有好兄弟姊妹 感謝大家 也祝福天下有情人終成眷屬,白頭偕老。攞個彩先- “Eric So, you’re SO LUCKY!"」

傳11.28低調辦婚禮

婚訊爆出,據稱兩人將於11月28日結婚,男方保持一貫低調故婚禮從簡,不會大排筵席,只安排雙方家人與友好一起慶祝。

韓國收戒指 讚好sweet

準蘇太Ivana分享求婚經歷與待嫁心情,早於4月Eric So在韓國向她求婚。她說:「今年4月19日是電影金像獎頒獎禮,4月18日我仍跟Eric在韓國首爾忙他的展覽。18日我一定要返香港,就在他送我去機場的途中,他向我求婚。我收到戒指時都唔知點算,當時心情激動。他的想法好sweet,因為我參加金像獎有沒有獎也未知道,他好想率先頒一個最佳女主人獎畀我。」

入紙註冊 職業同報藝術家

Ivana與Eric So早前在婚姻登記處排期結婚,兩人填報職業同是藝術家。

軒仔要做伴娘:Eric So養埋我

婚訊傳出後,Ivana的圈中好友紛紛公開祝賀,張敬軒寫道:「我的最愛找到了她的最愛,所以我又多了一位最愛……」還有「#好嘢#ericso養埋我唔該#買肥送瘦。」容祖兒唔執輸寫道:「四隻矇豬眼好襯 唔請都要嚟呀!」楊千嬅給一對準新人的祝賀最傳統說:「白頭到老,永結同心,早生貴子!」低調的Eric So下午在社交網站貼上一對相擁的公仔照片,向眾人道謝。

昨晚Ivana的好友吳君如、軒仔與祖兒出席活動時繼續戥她開心,軒仔曾跟Ivana傳緋聞,他笑說:「搞到我都想公布『昏訊』呀!之前見她情海翻波,現在找到對的人。Eric好體貼,兩人有共同話題,喜歡藝術,好幸福!」問軒仔會否做「姊妹團」?他笑說會做姊妹或伴娘,所以他要keep fit。軒仔又指一對準新人也喜歡小朋友,他目測Ivana的圓周可以生一隊籃球隊。

祖兒期待兩人生矇豬眼BB

祖兒為Ivana的婚訊感激動,知對方一直恨嫁,她找到如意郎君,兩人價值觀相同又互相鼓勵與扶持,期待看兩人生矇豬眼BB。

君如:Ivana婚後繼續拍戲

君如說Ivana找到一個好男人,另一半好愛她,他在金像獎前夕求婚是怕她失落於頒獎禮。君如說:「呢個男人用自己的下半生哄佢開心!」Ivana對君如說婚後也會拍戲,至於底線要視乎情况。

記者:孫慧莊、鍾一虹


This entry was posted in 未分類. Bookmark the permalink.