news195

王菀之新聞[195]


2016-03-21 on.cc

發福似有喜 王菀之話係食肥咗

【on.cc東網專訊】 歌手王菀之(Ivana)與馮翰銘(Alex)現身電台宣傳,Ivana表示去年與管弦樂團合作的音樂會將於明天推出DVD:「嗰次音樂會比起喺紅館所用嘅成本係以倍去計,管弦樂團之前都係同啲前輩歌手合作多,畀我啲年輕一輩去做嘅機會好少,嗰晚我可以唱自己嘅作品,所以我都好珍惜。」問到婚後創作的歌曲可有不同?她指之前交歌給Alex,Alex覺得歌曲的拍子更加難數:「好似自由咗咁,可能我嘅精神度都自由咗,因為開心,就流露喺啲歌入面。」

想做好人妻角色

提到人妻的生活,Ivana笑言除了工作外,亦希望做好太太的本分:「做吓家務,煮吓嘢食,同埋唔想錯過Eric(老公蘇卓航)每次嘅展覽,或者佢去外地工作我都想喺佢身邊,多啲跟佢出trip。」問到婚後造人是否不設防?她表示不回應,又澄清身型胖了是因為新年吃得太多食物。

至於會否稍後有好消息公布?她說:「唔係呀,未呀,今年嘅project滿晒。(驚影響工作?)唔係驚嘅,睇緣份啦。(減肥僻謠?)唔擔心,嚟緊有啲project應該會瘦番,好似電影、舞台劇,同埋會出新碟。」


2016-03-21 蘋果日報(即時新聞)

【發福之過】經常性傳有喜 王菀之唔主動減肥

王菀之(Ivana)同音樂創作人馮翰銘(Alex Fung)去年與香港管弦樂團合作開騷,演唱會大碟明天推出,今日兩人到商台宣傳,王菀之表示今次演唱會及製作所投放嘅心機同時間都比平常超出兩倍,呼籲當晚入場觀眾買碟收藏。

王菀之成為人妻蘇太後,自言於創作方面更自由,可能個人開心咗,喺歌曲上流露出嚟,王菀之跟住仲話:「希望做個好太太,煮多啲飯,做家務,同埋唔想錯過Eric嘅展覽,有時佢外地工作我都會一齊去,一齊出多咗trip。」雖然婚後蘇太煮多咗飯,但亦不忘大讚老公煮嘅公仔麵係全世界最好味,新婚蜜月期真係好甜蜜。

王菀之不時被指懷孕,對造人計劃佢話:「唔再答,好尷尬。」但就否認即將有好消息,解釋話:「唔係呀,未㗎,只係過年食肥咗咋。今年我啲計劃滿哂。」成日因發福惹有喜傳聞,要唔要減下肥?王菀之話:「我唔擔心,今年嘅計劃會令我瘦,有電影、舞台劇、又出新專輯。」

攝影:卓寶花(蘋果日報)


2016-03-22 明報

王菀之否認懷孕:過年食肥了

【明報專訊】王菀之與音樂創作人馮翰銘昨日現身商台,宣傳他們去年合作的演唱會大碟。王菀之指為演唱會製作投放了好多心機,希望樂迷會買碟支持,尤其現在成為人妻後,音樂創作變得更寬和自由,所有喜悅都會流露歌曲中。

王菀之不諱言新婚生活好甜蜜,她說:「希望做個好太太,除了煮飯、做家務,也不想錯過老公的工作展覽,有時他去外地工作我都會陪伴。」她自言婚後經常下廚,但不忘大讚老公煮即食麵,是全世界最好味的。談到她身形發福屢傳懷孕,是否正展開「造人」計劃?她說:「不再答,好尷尬,未,只是過年食肥了,今年我工作計劃好滿,未來工作會令我瘦,有電影、舞台劇和出新專輯。」

記者:鍾一虹

圖:王菀之表示今年工作排滿,未有「造人」計劃。(攝影:鍾一虹)


2016-03-22 蘋果日報

王菀之聞造人話尷尬

王菀之(Ivana)與音樂創作人馮翰銘(Alex Fung)去年與香港管弦樂團合作開騷,演唱會大碟今天上巿,兩人昨日到商台宣傳。

Ivana成為人妻後,經常煮家常飯,她說:「希望做個好太太,煮多啲飯,做家務,同埋唔想錯過Eric(蘇卓航)嘅展覽,有時佢外地工作我都會一齊去,一齊出多咗trip。」她還大讚老公Eric下廚煮公仔麵是全世界最好味。Ivana婚後一直孕味濃,對造人計劃她說:「唔再答,好尷尬。」並否認即將有好消息,她解釋說:「唔係呀,未㗎,只係過年食肥咗咋。今年我啲計劃滿晒。」常因發福惹有喜傳聞,她說:「我唔擔心,今年嘅計劃會令我瘦,有電影、舞台劇、又出新專輯。」

採訪、攝影:卓寶花

圖:王菀之強調自己是因為過年食得多而肥咗,並非有喜。


2016-03-22 東方日報

王菀之夫唱婦隨造人睇緣分

歌手王菀之(Ivana)昨日到電台宣傳去年與管弦樂團合作開騷的DVD,剛成人妻的她表示有做好太太的角色:「除咗工作之外,都會做個好太太,保持屋企清潔,會做家務,同埋唔想錯過老公任何一個騷,佢喺外地工作都會想跟埋去。」

另外,身穿鬆身衣的Ivana早前亦穿遮肚衫與蘇菲瑪素合照,有網民猜測她有喜。問到她是否婚後不設防?她即說:「唔答呢啲喇,新年食多咗咋嘛。(遲啲有好消息宣布?)唔係,今年啲project都好滿。(驚打亂計劃?)唔係驚嘅,呢啲睇緣分囉。」

圖:王菀之表示工作忙碌,暫未定下生育計劃。


2016-03-22 太陽報

鬆身衫遮肚 王菀之「孕」人問

王菀之(Ivana)昨日現身電台,宣傳去年與管弦樂團合作開騷的DVD,着鬆身衫的她孕味甚濃,加上早前在網上晒出與蘇菲瑪素的合照時同樣穿了遮肚衫,難免惹來大肚疑雲。問到是否婚後不設防?她說:「新年食多咗咋嘛!」至於日後可會有好消息宣布?她說:「唔係,今年啲Project都好滿。(驚打亂計劃?)唔係驚嘅,呢啲睇緣分囉!」她又表示婚後除工作外,亦喜歡做「跟得人妻」:「要做個好太太,保持屋企清潔,會做家務,同埋唔想錯過老公任何一個騷,佢喺外地工作都會想跟埋去。」

圖:到電台宣傳的王菀之穿鬆身衫,再惹懷孕疑雲。


2016-03-22 信報(節錄)

杜德偉以阿甘精神 繼續音樂旅程

八十年代末香港樂壇全盛時期,杜德偉打破傳統慢歌主流格調,在音樂中加入藍調及R&B元素,在《擦身情緣》和《舊情復熾》等情歌以外,《脫掉》、《信自己》等舞曲也流行一時。

隨着唱片業生態改變,他轉戰台灣,亦曾開拓時裝生意。2014年開個唱,反應良好,舞王魅力不減,音樂追求不變,他自喻為《阿甘正傳》的阿甘,繼續懷着愛及尊重做音樂。

現在音樂市場萎縮,很難做,杜德偉指:「目前香港樂壇只有3類人,第一,是無錢但有理想,這班人聚在一起互相支持;第二,是有錢又生存到;第三是生存不到的人,亦佔大多數,慶幸自己不是現時出道。」

現在歌手可做什麼?他答得直接:「沒什麼可做,生不逢時,只能獨善其身,在能力範圍內做好自己的唱片和表演,盡量享受,活在當下。」他有留意許延鏗、張敬軒、謝安琪、王菀之等新一代歌手,並寄語鼓勵:「香港人人都默默耕耘,很欣賞他們的創作才華,我相信努力會跑出一片天。」

撰文:林艷虹


2016-03-23 頭條網

王菀之被指孕味濃 老公尷尬笑

王菀之(Ivana)與設計師丈夫Eric So一同現身香港巴塞爾藝術展貴賓預展,她受訪時說:「鍾意這些,年年都有來。」

對於被指近日身形變得圓潤,惹懷孕疑雲,Ivana早前已作出否認,Eric被問及有否安慰太太?他尷尬一笑,記者笑他怕醜,Ivana即代丈夫承認點頭微笑。

攝影:姜秀雯

2016-03-23 on.cc

蘇卓航聞王菀之發福尷尬傻笑

【on.cc東網專訊】歌手王菀之(Ivana)與丈夫Eric So(蘇卓航)拍拖睇藝術展,Ivana表示:「我本身都好鍾意藝術,年年都有嚟睇。」講到Ivana因肥了而被傳有孕,可有感到不開心?Eric聞言後只尷尬一笑。


2016-03-24 明報/頭條日報/星島日報(節錄)

「巴塞爾藝術展」貴賓預展報道

明報:王菀之Eric So聞懷孕相視而笑

【明報專訊】巴塞爾藝術展(Art Basel)假會展舉行,不少藝人亦抽空欣賞藝術品,繼宋慧喬與里安納度秘密到港欣賞預展,昨日張智霖(ChiLam)與太太袁詠儀(靚靚)、王菀之與丈夫Eric So、任達華與太太琦琦、鍾楚紅、莫文蔚、賽車手「黑帝」咸美頓、何超盈等均往朝聖。

至於王菀之就與藝術家老公Eric So(蘇卓航)孖公仔到場,她稱年年都有來捧場,接着繼續被追問發福傳有孕,她與老公都相視而笑未有回答便入場。而莫文蔚在英國也會經常參觀博物館及畫展,故特意抽出時間欣賞巴塞爾藝術展。

圖:王菀之蹺實老公Eric So恩愛現身。(攝影:黃梓烜、劉永銳)

頭條日報

另外,王菀之與老公蘇卓航(Eric So)亦有到場欣賞藝術展,菀之表示:「我鍾意睇呢啲,年年都有嚟。」最近被指身形圓潤不少而被傳有喜的菀之,早前承認是「食多咗」而非懷孕,Eric昨日被問到有否因此而安慰老婆時,他只是尷尬地微笑回應。

圖:菀之鍾情欣賞藝術品,老公樂意相陪。

星島日報

王菀之與設計師丈夫Eric So齊現身,她表示:「鍾意這些,年年都有來。」近日王菀之身形圓潤不少被傳有喜,她早前已作出否認,Eric被問及有否安慰太太?他尷尬一笑,記者笑言他怕醜,王菀之代丈夫承認點頭微笑。

圖:王菀之孖老公現身藝術展。


2016-03-26 on.cc/明報即時/蘋果即時

王祖藍籌備開拍《老表3》報道(節錄)

on.cc:王菀之大肚啱拍劇

正忙於籌備劇集《老表,你好嘢!》系列第三集的王祖藍,表示將集合首兩集演員亮相,問到張繼聰*可會參與?祖藍謂:「今次再睇吓,之前佢撞期拍唔到!(會唔會要王菀之減肥同擔心佢大肚?)咁又好適合喎,因為今次都講婚後生活,大肚嘅話,咪佢點嚟我點去囉,劇本都係就演員去寫,之前湯盈盈都係拍嗰時大肚,咁嗰劇情係咁去,咁就相得益彰。」

明報(即時新聞)

王祖藍計劃今年底開拍《老表》系列第三輯,預計邀請第一、二輯原班人馬演出,他笑稱,即使王菀之懷孕也無問題,會按演員度身寫劇本。

蘋果日報(即時新聞)

稍後佢打算原班人馬開拍新劇,問可會要王菀之減肥,佢話若對方懷孕會改劇本。

*網主註:可能是說另一位張生–張敬軒


2016-03-27 文匯報/明報/成報/星島日報

王祖藍籌備開拍《老表3》報道(節錄)

文匯報

祖藍正籌備於年底開拍《老表3》,希望沿用第一、第二集的班底演出,張敬軒則可能撞期未能參演,至於王菀之最近暴肥又傳大肚,是否需要她減肥演出?祖藍帶笑說:「今集都是寫婚後的生活,會就演員來寫,之前湯盈盈都是大肚沒出聲來演出,戲入面又是扮大肚婆,可能預言又中就不錯了,真是相得益彰。」

明報

祖藍透露計劃年尾開拍《老表3》,由《老表1、2》原班人馬上陣,會否邀請之前因檔期問題未能參與拍攝的張敬軒加盟就容後決定。可擔心新婚的王菀之會懷孕未能參與拍攝?他說:「第3輯故事講述我們的婚姻生活,她點來,我點去,反正劇本都是就住演員寫。」

成報

王祖藍準備請原有班底在年底開拍《老表》系列第三集,但張敬軒未必有時間,而王菀之則被傳有孕,祖藍指今集講述婚後生活,會順應演員情況寫劇本,之前湯盈盈也曾懷孕飾演大肚角色,若可應了預言也不錯。

星島日報

談到工作安排,祖藍透露年底將開拍《老表,你好嘢!》第三輯,雲集頭兩集演員齊齊大放笑彈。記者笑稱新婚的王菀之隨時懷孕,祖藍說:「最好不過,今次講婚後生活,總之劇本可以遷就她。」


2016-03-27 on.cc

肚凸凸有咗?王菀之爆張敬軒係經手人!

【on.cc東網專訊】 歌手王菀之(Ivana)到電台宣傳,講到新婚後可會計劃生B?Ivana表示今年暫未有生B計劃:「依樣嘢都係睇緣分啦,(不設防?)唔講依啲啦。」她又透露自己本身有一個哥哥,知道獨生會好悶,所以如果生小朋友應該會生兩個,問到生B後會否退出娛樂圈?她表示:「到時會知,大家都誤會咗,見到肚凸凸以為我有咗,我同張敬軒講個經手人就係佢!係佢餵飽我。」

樂做老公助手

Ivana又講到現在不想錯過老公任何一個展覽,好多時會一齊飛到外地工作,笑言自己似十足老公的經理人和助手:「喺展覽我都係企埋一邊,但我好清楚啲藝人幾時有需要,見到佢好似需要翻譯就會衝出去,要食嘢又會計啱時間買畀佢,我真心覺得佢係我Artist嚟。」

圖:(經手人係你呀張敬軒!)嘩,講啲咁嘅嘢唔驚老公嬲豬呀?


2016-03-28 on.cc

王菀之煮餸靠老公個表情判斷成果

【on.cc東網專訊】 歌手王菀之(Ivana)到電台宣傳,講到新婚不久工作比以前減少了,她笑言:「唔係啊,我12月度蜜月中途都去咗三藩市登台,不過新年個時係冇做嘢。」她又講到新年時有很多朋友去她家拜年,自己都會親自做「家庭煮婦」:「自己係廚房煮做全日,我整咗花膠蠔豉炆冬菇,我本身唔識整所以不停上網睇食譜,我仲驚會整得唔好食買定罐頭佛跳牆,但最後係OK嘅。」

Ivana笑言自己下廚是否好味看老公的表情就知,她又說比較常煮中餐:「因為西餐卡路里太高喇,我煮完都唔敢食。」

圖:你哋咁恩愛,你煮乜你老公都話好食啦!


2016-03-28 壹週Plus

老公日日食好西 王菀之做廚神

上年結咗婚做人妻嘅王菀之,最近多咗啲搞作,之不過唔係作曲唱歌,而係入廚房做廚娘!最近佢喺微博不時分享佢炮製嘅美食,但係王菀之有唔少甩碌嘢,好似前排佢煮豚肉生薑燒,佢就買錯咗豬扒,由柳梅片變咗豬肉條,搞到道菜乾咗少少,不過依然有人話好食㗎,呢個咪就係佢老公Eric So。

過幾日,佢又再炮製另一味汁煮蔬菜雞肉,仲焗埋蛋糕,王菀之仲好得戚話希望有一日可以推出成功嘅食譜。咁喺成功之前,Eric So就要密密試味啦!

相關微博|http://www.weibo.com/1689224772/DobJ5tqkJ / http://www.weibo.com/1689224772/DnbilzTOG


2016-03-29 on.cc

王菀之今年考慮推全創作大碟

【on.cc東網專訊】 歌手王菀之(Ivana)到電台宣傳,講到今年的工作大計,她表示希望今年會推出專輯,更想不分語言隨心創作,問到可會想為專輯設特定主題?她表示:「會有主題,但未諗到,通常一首歌都會有一個主題,但如果係碟嘅話就要諗,如果唔係就會好夾硬地有關係。」她又表示希望新碟是曲詞全原創的歌:「其實我出道初期都係自己寫詞,後尾覺得自己寫得唔係咁好,又好想試下唱人哋啲歌,所以先開始同林夕、黃偉文合作,今次隻碟就好想係全創作大碟。」


2016-04-02 壹週Plus

腰粗躉大 王菀之喪跳辟孕味

早排人妻王菀之身材腫脹咁出席化妝品活動,咁就例牌俾人問係咪有喜?雖然佢已經即時否認,強調暴脹只因係狂食後遺症!深明一日唔瘦番,一日都會俾人傳有咗,所以佢近日搏命學跳啲噠舞,以狂un狂扭,証明肚皮未開工。

睇見佢躉大大,腰粗粗,似乎佢首要任務唔係中獎,而係減磅!

相關IG https://www.instagram.com/p/BDsAVTbMEl_/


2016-04-03 on.cc

【潮魅】張學友王菀之「黑」勢力

【on.cc東網專訊】 影星張學友和王菀之今日不約而同以Dolce & Gabbana禮服出席金像獎,學友的黑色暗花圖案西裝,修腰設計,帥氣十足;而王菀之身上全黑色的連身短裙,裙擺如芭蕾舞衣一樣,如電影中的黑天鵝,實行以黑對衡同場其他女星的鮮艷彩衣。


2016-04-03 蘋果日報(即時新聞)

【金像獎紅地毯】黑白雙煞 林嘉欣Ivana永遠著錯衫

仲係金像獎紅地毯,憑住《暗色天堂》角逐「最佳女主角」嘅林嘉欣孖住拍檔張學友同老公袁劍偉一齊現身,林嘉欣一如以往著錯衫,佢身上嗰套白連身裙望落真係好有孕味,似足大肚婆裙。而隔籬嘅學友「影帝」呼聲相當高,不過今日煲呔都冇打,問到佢咁casual係咪打定輸數,佢就講笑話:「咁都俾你發現!」

而同林嘉欣有得揮嘅一定係Ivana王菀之,佢個套黑色傘裙,以Ivana粗身嘅body shape著住只可以話「沒有最闊,只有更闊」。

攝影:陳順禎


2016-04-09 明報周刊 2474期

呢個MOMENT:責任重大

薛凱琪穿着deep V透視長裙出席《香港電影金像獎》頒獎禮,不慎踩着裙擺,唯有停步整理,只是腳踏七吋高踭鞋,令難度倍增,幸有王菀之伸出援手,在這緊張關頭,好朋友責任

攝影:張保祿


2016-04-10 成報 / 文匯報 (節錄)

成報:王祖藍空出檔期 無人得閒拍《老表3》

王祖藍昨日以代言人身份現身荃灣出席「旅遊巡遊2016」活動,大談旅遊心得。

紅了難度期

至於工作近況,祖藍透露仍會拍攝真人騷節目:「還要籌備新公司,《老表3》就預計在年尾拍,現在度期中。」他還趁機投訴昔日拍檔現在紅了很難度期:「打俾阿聰他就話撞咗電影,打俾Ivana就話撞咗演唱會,打俾阿Bob就話自己現在做主角;初初拍第一集時個個都話得閒,我自己就空了整個檔期。」

文匯報

王祖藍昨日出席旅遊巡遊2016宣傳活動分享旅遊心得。而新劇《老表3》就預計在年底拍攝,他說:「現在一班演員很難度期,張繼聰說撞了他拍電影,王菀之又稱要開演唱會,連阿Bob都說自己現在做主角。記得拍第一集時個個人都話得閒,我自己要空了整個檔期出來。」


2016-04-19 on.cc (節錄)

咁慘嘅!白只金像獎連中兩元片酬依舊

【on.cc東網專訊】 憑電影《踏血尋梅》奪得今年金像獎「最佳新演員」及「最佳男配角」的白只,被問到獲獎後收入有否增加?他表示沒分別:「一樣,攞完獎之後,要同Shine排舞台劇,之後六月再同王菀之合作另一個舞台劇。」

談到王菀之上年跟白只一樣,一口氣奪得「最佳新演員」及「最佳女配角」兩個獎,問白只有沒有跟對方分享心情,他表示:「暫時未有時間分享,不過早幾日,金像獎喺社交網站貼咗張薛凱琪同王菀之頒金像獎最佳男配角時、得知結果嗰時我嘅驚訝樣,我好喜歡,能夠從佢哋手上攞到呢個獎,好開心。」

相關相片 https://www.facebook.com/hk.filmawards/posts/1097253050297755


2016-04-20 文匯報 (節錄)

電影《踏血尋梅》祝捷會報道

香港文匯報訊(記者 梁靜儀)電影《踏血尋梅》於各大電影節中獲得多個獎項,電影公司昨晚於灣仔舉行祝捷會,郭富城(城城)、白只及金燕玲亦有出席。

白只憑電影《踏血尋梅》同時奪得金像獎「最佳新演員」及「最佳男配角」,問到得獎後收入可有大增?他說:「都係咁。」他表示得獎後同Shine排舞台劇,之後六月再同王菀之合作另一個舞台劇。說到王菀之去年跟他一樣,同時奪得「最佳新演員」及「最佳女配角」兩個獎,問到他可有跟對方分享心情?白只說:「暫時未有時間分享,不過早幾日在網上見到王菀之及薛凱琪揭撓名單時個樣好驚訝,自己在她們手上呢個獎都好開心。」


2016-04-26 Tungstar

王菀之戴萬元假髮拍舞台劇海報

[2016年4月26日香港訊] 早前王菀之(Ivana)及白只為舞台劇《騷眉勿擾》拍攝宣傳海報,劇組為配合兩人在劇中的心靈伴侶(Soulmate)的關係,特別構思了由白只幫Ivana的髮海加上星星的海報意念,更斥資過萬元購買假髮,由髮型師現場為Ivana駁髮,Ivana在鏡頭前演釋各種趣怪表情,毫無難度,為求盡善盡美更不介意圍上大毛巾赤膞上陣,但拍攝完畢後不禁頸肩酸痛,而今次飾演按摩師的白只笑言可現場為Ivana按摩踩背輕鬆一下,更聲稱自己已經秘密減肥,所以就算排練按摩踩背戲份也絕也不會弄傷Ivana,Ivana笑著回應,只擔心白只按摩按得太舒服,在演出時會表演「我真的睡著了」!

舞台劇《騷眉勿擾》 將於6月10日起在香港演藝學院歌劇院公演,由兩位「香港電影金像獎」雙料得主(最佳男/女配角、最佳新演員)王菀之及白只攜手主演,由電視劇《老表,你好嘢!》及憑舞台劇《維港乾了》剛獲得第25屆香港舞台劇獎「最佳劇本」龍文康編劇、憑《天使撻落新.都城》剛獲得第25屆香港舞台劇獎「最佳導演」陳淑儀執導,加上香港舞台劇獎「最佳男主角」楊偉倫主演,最強勁的台前幕後喜劇班底,讓大家「忍笑以待」 ,門票將於明日(4月26日)起在快達票售票網及通利琴行公開發售!

故事講述王菀之飾演的燈飾設計師與白只飾演的按摩師於異地相遇,兩人透過每日45分鐘的按摩時間親密接觸,在酒店房門掛上門牌後,拒絕世界上一切的幹擾和滋擾,建立一種獨特而浪漫的特殊關係…兩位新世代喜劇演員將發揮他們「只」「之」一家的幽默演技,訴說這個怪雞而浪漫的曖昧愛情故事。


2016-04-26 蘋果日報(即時新聞)

白只為舞台劇秘密減肥 綵排踩背唔驚整親王菀之

今年喺香港電影金像獎包攬最佳新人同最佳男配角嘅白只,同去年同樣包攬呢兩個獎嘅王菀之(Ivana)合作演出舞台劇《騷眉勿擾》。早前王菀之(Ivana)同白只為舞台劇《騷眉勿擾》拍攝宣傳海報,為咗配合兩人喺劇入面係心靈伴侶(Soulmate)嘅關係,特別構思咗由白只幫Ivana嘅髮海加上星星嘅idea,仲用咗過萬元買假髮o添!

Ivana喺鏡頭前表情多多,為求盡善盡美仲圍住大毛巾赤膞上陣,不過影完之後就頸肩酸痛,而今次飾演按摩師嘅白只笑言,可以現場為Ivana按摩踩背輕鬆一下,仲話自己秘密減緊肥,所以排練按摩踩背戲份唔會整親Ivana,Ivana笑言只係擔心白只按摩按得太舒服,on show時會「我真的瞓著了」!

佢哋套劇6月10號就會喺香港演藝學院歌劇院公演,門票已經賣緊,故事講述王菀之飾演嘅燈飾設計師同白只飾演嘅按摩師於異地相遇,兩人透過每日45分鐘嘅按摩時間親密接觸,喺酒店房門掛上「Do Not Disturb」嘅門牌後,拒絕世界上一切嘅干擾同滋擾,係一套怪雞得嚟浪漫嘅曖昧愛情故事。


2016-04-26 on.cc

白只預告演按摩師 王菀之嗌按得勁舒服

【on.cc東網專訊】 王菀之(Ivana)及白只為舞台劇《騷眉勿擾》拍攝宣傳海報,劇組為配合兩人在劇中的心靈伴侶(Soulmate)的關係,特別構思了由白只幫Ivana的髮海加上星星的海報意念,更斥資過萬元購買假髮,由髮型師現場為Ivana駁髮,Ivana在鏡頭前演釋各種趣怪表情,為求盡善盡美更不介意圍上大毛巾赤膞上陣,但拍攝完畢後不禁頸肩酸痛,而今次飾演按摩師的白只笑說:「喺現場為Ivana按摩踩背輕鬆一下,我已經秘密減肥,所以就算排練按摩踩背戲份都絕對唔會整傷Ivana。」Ivana笑着回應只擔心白只按摩按得太舒服,喺演出時會表演「我真的瞓着了」!

圖:白只指自己已經秘密減肥,所以就算排練按摩踩背戲都絕對唔會整傷Ivana。

圖:王菀之及白只為舞台劇《騷眉勿擾》拍攝宣傳海報。

圖:兩人在劇中是心靈伴侶的關係。兩人在劇中是心靈伴侶的關係。

圖:舞台劇《騷眉勿擾》海報舞台劇《騷眉勿擾》海報


2016-04-26 頭條網

白只減肥演按摩師 王菀之怕太舒服真睡著

王菀之(Ivana)與白只早前為舞台劇《騷眉勿擾》拍攝宣傳海報,劇組為配合兩人在劇中的心靈伴侶(Soulmate)關係,特別構思了由白只幫Ivana的髮海加上星星的海報意念,更斥資過萬元購買假髮,由髮型師現場為Ivana駁髮。

Ivana在鏡頭前演繹各種趣怪表情,毫無難度,為求盡善盡美更不介意圍上大毛巾赤膞上陣,但拍攝完畢後不禁頸肩酸痛;今次飾演按摩師的白只笑言可現場為Ivana按摩踩背輕鬆一下,更自言已秘密減肥,笑稱絕不會踩傷Ivana。Ivana笑著回應,只擔心白只按摩按得太舒服,在演出時會表演「我真的瞓著了」!

Ivana去年在香港電影金像獎奪最佳新演員及最佳女配角,白只今年也是雙料得主,連奪最佳新演員及最佳男配角,門票今日開售。故事講述Ivana飾演的燈飾設計師與白只飾演的按摩師於異地相遇,兩人透過每日45分鐘的按摩時間親密接觸,在酒店房門掛上「Do Not Disturb」的門牌後,謝絕世界上一切的干擾和滋擾,建立一種獨特而浪漫的特殊關係。

圖:白只減咗都咁…,王菀之係咪更擔心?


2016-04-27 明報

白只減肥演按摩師 王菀之擔心舒服到瞓着

【明報專訊】王菀之與白只早前為舞台劇《騷眉勿擾》拍攝宣傳海報。劇組配合兩人在劇中的心靈伴侶的關係,構思由白只幫王菀之的髮型加上星星的海報意念,用過萬元買假髮,髮型師在現場幫她駁髮。王菀之在鏡頭前演繹各種趣怪表情,她更不介意圍上毛巾赤膊上陣,但拍完後頸肩痠痛。

舞台劇演按摩師的白只笑言可以現場為王菀之按摩踩背輕鬆一下,還聲稱自己已秘密減肥,所以就算排練按摩踩背戲分也絕不會弄傷她。王菀之笑言只擔心白只按摩按得太舒服,在演出時會表演「我真的瞓着了」!

文:娛樂組

圖:王菀之與白只為舞台劇《騷眉勿擾》拍攝宣傳海報,王菀之笑言拍完後頸肩痠痛。


2016-04-27 蘋果日報

白只王菀之浪漫按摩

王菀之(Ivana)和白只合演的舞台劇《騷眉勿擾》,將於6月10日在演藝學院公演,二人早前拍攝宣傳海報,Ivana更特別為此駁長頭髮,由白只為她的髮海加上星星配飾,Ivana因要做赤膊效果,只要圍大毛巾上陣,Ivana笑言拍攝完成後只感到頸梗膊痛,而劇中飾演按摩師的白只即自告奮勇要為Ivana按摩,他笑說:「我可以幫你按摩踩背,我已經秘密減肥,一定唔會踩傷你。」Ivana亦笑謂:「我只係擔心你按得太舒服,到真正演出時,我真係瞓着咗。」

Ivana所的演燈飾設計師跟白只是心靈伴侶關係,兩人透過每天45分鐘按摩時間的親密接觸,建立一種獨特而浪漫的特殊關係。

撰文:陳以晴

圖:白只拍攝舞台劇海報時為王菀之的髮海加上星星配飾。


2016-04-27 文匯報

白只欲為王菀之按摩踩背

香港文匯報訊 王菀之(Ivana)及白只將攜手主演舞台劇《騷眉勿擾》,早前二人為舞台劇拍攝宣傳海報,劇組為配合兩人在劇中的心靈伴侶(Soulmate)的關係,特別構思了由白只幫Ivana的瀏海加上星星的海報意念,更斥資過萬元購買假髮,由髮型師於現場為Ivana駁髮。Ivana在鏡頭前演釋各種趣怪表情,毫無難度,為求盡善盡美更不介意圍上大毛巾赤膞上陣,但拍攝完畢後不禁頸肩酸痛。而今次飾演按摩師的白只笑言可在現場為Ivana按摩踩背輕鬆一下,更聲稱自己已經秘密減肥,所以就算排練按摩踩背戲份也絕不會弄傷Ivana,Ivana笑着回應稱,只擔心白只按摩按得太舒服,在演出時會表演「我真的睡着了」!《騷眉勿擾》門票於昨日起公開發售。

圖:王菀之和白只合作《騷眉勿擾》。


2016-04-27 星島日報

王菀之拒絕白只踩背按摩

(星島日報報道)王菀之與白只為舞台劇《騷眉勿擾》拍攝宣傳海報,為營造心靈伴侶的關係,劇組斥資過萬元購買假髮,再讓髮型師為王菀之駁髮,拍攝時白只再幫王菀之的髮海加上星星。

王菀之在鏡頭前演繹各種趣怪表情毫無難度,更不介意圍上大毛巾赤膊上陣,事後頸肩酸痛,在劇中飾演按摩師的白只笑言可現場為她按摩踩背輕鬆一下,還稱本身已秘密減肥,就算排練按摩踩背戲分也絕也不會弄傷女方,王菀之笑稱只擔心白只按摩按得太舒服,會即場表演「我真的瞓着了」。

圖:白只幫王菀之的髮海加上星星。


2016-04-27 晴報

Ivana讚白只按摩手勢好

【晴報專訊】王菀之(Ivana)及白只早前為舞台劇《騷眉勿擾》拍攝宣傳海報,為配合兩人在劇中的心靈伴侶關係,特別構思了白只幫Ivana的髮海加上星星的海報意念,斥資過萬元買假髮,並由髮型師即場為Ivana駁髮。Ivana圍上大毛巾赤膞上陣,拍攝完畢後不禁頸肩痠痛,劇中飾演按摩師的白只此時大派用場,Ivana笑言:「我擔心白只按摩按得太舒服,在演出時會『我真的睡着了!』」

圖:王菀之與白只老友鬼鬼,兩人將在舞台上合演新世代喜劇。


2016-04-27 都市日報

白只秘密減肥為王菀之踩背

白只繼《夏風夜涼》後再踏舞台,這次他會與王菀之(Ivana)合作,早前二人為舞台劇《騷眉勿擾》拍攝宣傳海報,劇組為配合兩人劇中的Soulmate關係,特別構思了由白只幫Ivana的髮海加上星星的意念,Ivana更圍上大毛巾赤膞上陣。飾演按摩師的白只笑言:「我可以幫Ivana按摩,我已經秘密減肥,就算排踩背戲都唔會整親佢。」Ivana笑言:「我淨係擔心按得太舒服,演出嗰陣會表演『我真的瞓着了』!」

圖:《騷眉勿擾》將於6月在香港演藝學院公演。

圖:王菀之和白只在劇中飾演Soulmate。


2016-04-27 澳門日報

與白只演舞台劇 王菀之駁長髮拍海報

早前王菀之(Ivana)及白只為舞台劇《騷眉勿擾》拍攝宣傳海報,劇組為配合兩人在劇中的心靈伴侶關係,特別構思了由白只幫Ivana的髪海加上星星的海報意念,更斥資過萬元購買假髮,由髮型師現場為Ivana駁髮。

Ivana在鏡頭前演繹各種趣怪表情,毫無難度,為求盡善盡美,更不介意圍上大毛巾赤膊上陣,但拍攝完畢後不禁頸肩痠痛。而今次飾演按摩師的白只笑言可現場為Ivana按摩踩背輕鬆一下,更聲稱自己已經秘密減肥,所以就算排練按摩踩背戲份,也絕對不會弄傷Ivana。Ivana笑着回應,只擔心白只按摩按得太舒服,在演出時會表演“我真的睡着了”!

舞台劇《騷眉勿擾》將於六月十日起在香港演藝學院歌劇院公演,門票亦於香港快達票售票網及通利琴行公開發售。故事講述王菀之飾演的燈飾設計師與白只飾演的按摩師於異地相遇,兩人透過每日四十五分鐘的按摩時間親密接觸,在酒店房門掛上門牌後,拒絕世界上一切的干擾,建立一種獨特而浪漫的特殊關係……兩位新世代喜劇演員將大鬥演技,訴說浪漫又曖昧的愛情故事。

圖:王菀之和白只拍攝宣傳海報

圖:髮型師現場為Ivana駁髮

圖:白只秘密減肥

圖:二人交流演戲心得


2016-04-27 on.cc(節錄)

蘇志威生日唔知送咩!傑仔:佢K房都有

【on.cc東網專訊】 組合草蜢到電台宣傳全新國語大碟《Music Walker》,下月3號生日的蘇志威獲電台送上蛋糕為他提前慶生。

草蜢三子表示新碟中除了自己的創作外,周杰倫及王菀之(Ivana)亦有為他們作曲。問到如何報答他們?三子指會努力宣傳每首歌:「好好做好隻唱片,想全隻碟嘅歌都plug晒,令大家感受到個成果,呢樣嘢仲好過請食飯!」提到Ivana當初給予的歌曲demo其實尚未完成,但他們已立刻採用,他們說:「佢個melody好好,唔使修改。」蔡一智更笑言之後想與Ivana跳鋼管舞:「成日以為佢好文靜,但睇完佢演唱會跳舞好驚訝,覺得佢好犀利,今次音樂上合作,希望下次喺舞台上合作,王菀之加草蜢跳舞應該幾好睇。」又指Ivana在電影界算是他們的前輩,希望之後有機會合演電影,向對方學習。蔡一傑則笑言想與周董跳鋼管舞。


2016-04-27 蘋果日報(即時新聞)(節錄)

【問過Eric So未?】搵完王菀之作歌 蔡一智:想同佢跳鋼管舞

草蜢今日喺新城宣傳新碟同新歌《大作》,呢隻碟佢哋搵咗王菀之、周杰倫等人作歌,阿智話:「王菀之好好文采,見佢演唱會又唱又跳,想同佢跳鋼管舞,而且拍咁多戲係我哋前輩,要向佢學習。」蔡一傑話反而想同周杰倫跳鋼管舞,佢話:「佢有兩支雙節棍,應該好睇。」


2016-04-28 東方日報(節錄)

草蜢邀王菀之跳鋼管舞

組合草蜢昨日到電台宣傳全新國語大碟《Music Walker》,提到新碟獲周杰倫及王菀之(Ivana)為他們作曲,蔡一智笑言之後想與Ivana跳鋼管舞:「成日以為佢好文靜,但睇完佢演唱會跳舞覺得佢好犀利,希望下次喺舞台上合作,王菀之加草蜢跳舞應該幾好睇。」


2016-05-06 on.cc

白只爆王菀之私下常搞爛Gag

【on.cc東網專訊】 藝人白只現身電台宣傳跟王菀之(Ivana)合作的舞台劇,透露舞台劇將於下月演出十場,但現時還未正式綵排:「因為我哋成日掛住玩、食嘢、講笑,但遲啲真係要嚟料先得。」他表示跟對方合作過兩次,坦言還未對厭對方:「我對阿聰(張繼聰)都未厭,不過阿之好正,好有才華,同係好有幽默感嘅女仔,佢成日都講爛gag,所以做佢朋友都好快樂,佢又鍾意煮嘢食。(你哋有冇一齊做運動?)我平時都唔會做運動,但唔知佢會唔會同老公做。(覺唔覺佢肥咗?)年齡就會講,但體重我哋唔會隨便share,所以唔會講。」

揼骨揼出情緣

講回舞台劇,他透露故事背景發生在韓國,他在劇中飾演一位按摩師,而Ivana則是一位燈飾設計師:「但佢就有失眠,所以佢啲朋友就介紹佢嚟搵我按摩,慢慢我哋就發展一段soulmate關係。」他坦言今次很大挑戰,因為要記很多台詞,而他亦要去學按摩:「我哋之後都會一齊做揼骨research,但講好大家唔可以瞓着,如果唔係就一巴車埋去。」

為角色苦學韓文

他又透露角色懂韓文,故他亦要努力學韓文:「我本身講廣東話都已經好多懶音,依家仲要學韓文,好大壓力,仲要份量都幾大部分,依家開始跟老師學緊,但教咗廿幾三十句,我淨係記得幾句,真係好難,可能遲啲要睇吓韓劇《太陽的後裔》學吓。(會唔會喺演舞台劇前學唔切?)唔會,一定得,如果唔係我會畀人炒,阿之會鬧死我。(擔心講得唔正,畀啲觀眾識穿?)依家好多人識韓文,所以監製、導演都話我唔Hea得,冇得自己扮講,因為希望成件事都唔係胡鬧搞笑。」


2016-05-06 蘋果日報(即時新聞)

【王菀之有冇肥咗?】白只話:體重我哋係唔會share

白只今日去商台訪問,最近同王菀之籌備六月十至十八日做嘅舞台劇《騷眉勿擾》,兩個人識咗好耐好熟,成日掛住玩同講笑,白只話:「佢好有才華又幽默,我哋有個group,長時間每日都有啲爛gag,做佢朋友好快樂,又鍾意食同煮野食,我哋會一齊癲咗食野。」

大家一齊食有冇發現王菀之肥咗?佢話:「年齡可隨便講,但我哋體重大家唔會share。劇中我做按摩師,幫佢揼骨,做45minutes soulmate ,都幾大挑戰,平時做客去享受,之後有經費去揼骨做research,一齊去揼骨,但就唔可以瞓,因為要睇人哋嘅步驟,如果瞓一巴車埋去。」

為咗呢套舞台劇,白只仲走咗去學韓文,驚觀眾識聽而知自己錯,佢話:「要睇《太陽的後裔》學,我只記得劇中講「團結」,但唔知點讀,應該趕得切學,一定得,如果唔係就俾人炒,阿之鬧死。」

攝影:王連連(蘋果日報)


2016-05-07 蘋果日報

白只陪王菀之喪食

出爐金像獎最佳男配角白只昨日為舞台劇到商台接受訪問,今次他與王菀之合作。兩人相識多年,本身已經有熟稔,白只說:「佢好有才華又幽默,我哋有個group,長時間每日都有啲爛gag,做佢朋友好快樂,又鍾意食同煮嘢食,我哋會一齊癲咗食嘢。」問到會否覺王菀之肥了?他笑說:「年齡可隨便講,但我哋體重大家唔會share。」


This entry was posted in 2016news. Bookmark the permalink.